មិនដល់ ១សប្ដាហ៍ ទៀតទេ ត្រកូល Galaxy S24 នឹងប្រកាសចេញ គឺថ្ងៃទី១៧ មករា ២០២៤ ត្រូវនឹងម៉ោងទៅកម្ពុជា ថ្ងៃទី១៨ ម៉ោង១យប់ សម្រាប់រៀបចំព្រឹត្តិការណ៍ Galaxy Unpacked។ មកដល់ពេលនេះ គេប្រទះឃើញ Galaxy S24 Ultra ដែលវាមានពណ៌ និងស៊ុមការពារប្រើប្រាស់សារធាតុទីតានីញ៉ូម ដូចដំណឹងលេចធ្លាយកន្លងមក។ មានដំណឹងទៀតថា អេក្រង់ថ្មីរបស់ម៉ូឌែលទាំងបី ទទួលបានការកែលម្អ ១០% នៅក្នុងល្បឿនឆ្លើយតបនឹងការប៉ះបញ្ជារប្រសើរជាងមុន។ ដែលការអាប់ឌែតនេះ នឹងធ្វើប៉ះកាន់តែរលូន និងលឿនជាងមុន ហើយក៏ធ្វើឱ្យការប្រើប្រាស់ប៊ិច S Pen កាន់តែល្អជាងមុនផងដែរ។ អេក្រង់នេះដែរ ទទួលបានដំណឹងថា នឹងអាចជះពន្លឺខ្លាំងជាងមុន គឺឡើងដល់ 2600 nits ខណៈម៉ូឌែល Galaxy S23 មានកម្រិតពន្លឺត្រឹម 1750 nits ប៉ុណ្ណោះ៕